Klezmer

Klezmer
Oríxenes musicales	Surdió mientres la Baxa Edá Media, nes comunidaes xudíes d'Europa Oriental, basáu en melodíes y cantares tradicionales xudíes tanto relixoses como seculares. Delles composiciones harmóniques influyíes mayormente pola música tradicional rumana (predominantemente de Moldavia, particularmente Besarabia y la rexón rumana de Bucovina); tamién tán presentes influencies musicales griegues, ucraínes y turques.
Oríxenes culturales	Celebraciones xudíes, especialmente bodes, n'Europa oriental. Foise consolidando como xéneru independiente, dexando de ser accesoriu y creando un estilu propiu.
Instrumentos comunes	Violín, Címbalu o Dulcémele, Clarinete, Acordión, Trombón, Trompeta, Mandolina, Pianu, Percusión.
Popularidá	Bien rara ente non-xudíos, siguida polos xudíos d'América, especialmente dempués del resurdimientu de los años 1980.
[editar datos en Wikidata]

El klezmer (del yiddish קלעזמער, del hebréu כליזמר, pl. כליזמרים) ye un xéneru musical étnicu aniciáu na tradición askenazí d'Europa del Este. Desenvolvióse rápido nes comunidaes xudíes esistentes antes de los dos guerres mundiales. Interpretada polos klezmorim (músicos o agrupaciones musicales profesionales), la música klezmer constaba principalmente de melodíes de baille y muestres de pieces instrumentales pa bodes y otres celebraciones nos sos principios, consolidándose darréu como xéneru musical independiente con carauterístiques úniques y bien definíes. Na actualidá, la música klezmer inda ye interpretada en casi tol mundu, y la so esencia y soníu permanecen práuticamente inalteraos.